Ամբողջությամբ այրվել է շարժական գազալցակայան

Հուլիսի 22-ին, ժամը 00:21-ին ահազանգ է ստացվել, որ Հրազդան-Սևան ավտոճանապարհին այրվում է ավտոմեքենա:

Դեպքի վայր են մեկնել երեք մարտական հաշվարկ:

Պարզվել է, որ Մ-4 ավտոճանապարհի Երևան-Սևան հատվածի 50-րդ կմ-ին "Renault" մակնիշի VH 03 0HV պետհամարանիշով (վարորդ՝ Վրաստանի հանրապետության քաղաքացի՝ 1979 թ. ծնված Սազա Լիպսայա Կառլոևիչ) ֆուռը բախվել է "Զիլ" մակնիշի 34 SN 350 պետհամարանիշով (վարորդ՝ 1980 թ. ծնված Ա. Պ.) ավտոմեքենային (շարժական գազալցակայան), ինչի հետևանքով տեղի է ունեցել գազի արտահոսք` հրդեհի բռնկմամբ. կա տուժած:

Մինչ փրկարարների՝ կանչի վայր հասնելը վարորդները հոսպիտալացվել են Հրազդան քաղաքի ԲԿ, որտեղ բժիշկները Ս. Լիպսայայի առողջական վիճակը գնահատել են կայուն, իսկ Ա. Պ.-ը հետազոտվել և դուրս է գրվել:

Հրդեհը մեկուսացվել է ժամը 01:15-ին, մարվել 01:51-ին: Ամբողջությամբ այրվել է շարժական գազալցակայանը:

ԲԱՐՈՄԵՏՐ

 

10:13 Հուլիս 22, 2017

Ամենաընթերցված նյութեր